Vantar leigjanda

Hæ hæ
Vona að allir hafi það voða gott í sumar. Ég er í smá veseni, mig vantar einhvern til þess að leigja með mér í vetur... Er með húsnæði og alles. Ef þið eruð að leita að húsnæði eða ef þið vitið um einhvern... þá vitiði af þessu.
Annars bara sumarkveðjur,
Hrafnhildur

Sumarið

Jæja stelpur...hvað segið þið um sumarið??
Ég vona að einhver kíki hingað inn á síðuna...ég hef allavega séð stundum að einhverjar ykkar kíkja á bloggið mitt útfrá þessari síðu, þannig að það hlýtur einhver ykkar að lesa þetta.
Mig langaði bara að segja ykkur frá því hvað ég er að gera í sumar...held að það sé gaman að við höldum kannski smá sambandi hérna þó við séum kannski flestar á sitthvorum staðnum (fyrir utan höfuðborgargellurnar ;o) )
Allavega...ég semsagt er að vinna á Grund, eins og kannski flestar ykkar vita. Það er ótrúlega gaman, eiginlega bara eins og framlenging af verknáminu, nema núna eru engar sérstakar námskröfur sem ég þarf að uppfylla, heldur er ég algjörlega á mínum eigin forsendum að vinna þarna. Samt fæ ég að gera ótrúlega mikið sem aðrir (ekki nemar) hefðu ekki fengið að gera. Ég er að taka viðtöl, fæ að setja saman handaþjálfunarprógramm fyrir einn skjólstæðing eiginlega alveg sjálf og framkvæmi það, fæ að stjórna söngstundum og tónlistarhópum ásamt ýmsu öðru. Semsagt...eiginlega bara framlenging af verknáminu. Ég mæli með því að vinna sem aðstoðarmaður iðjuþjálfa, maður lærir ótrúlega mikið á því.
Þegar Kristbjörg (iðjuþjálfi) fer í frí fæ ég að leysa hana algjörlega af...soldið spennandi hvernig það á eftir að ganga...
Það sem mér fannst skrítnast við þessa vinnu voru launin...ég hélt þetta væri mjög illa borgað (það var búið að nefna ákveðna tölu við mig), en þegar ég fékk launaseðilinn í hendurnar, þá var sú tala búin að hækka alveg slatta mikið, og mér sýnist við þá eiga eftir að vera í góðum málum eftir 2 ár þegar við útskrifumst.
En fyrir utan vinnuna á Grund, þá er ég að fara eftir 2 vikur til Írlands. Ég og vinkona mín erum að fara að vinna í sumarbúðum sem heita Barretstown, og eru fyrir krabbameinssjúk börn. Það verður rosalega spennandi. Við verðum þar í 9 daga.
Síðan er það bara Ölver í Ágúst...ekki barinn heldur sumarbúðirnar.

Svona lítur semsagt sumarið mitt út. Endilega segið frá ykkar sumri...ef þið farið til útlanda eða eruð í skemmtilegri vinnu. Ég hvet Oddnýju og Steinunni sérstaklega til að deila með okkur ferðasögunni sinni frá Tansaníu ;o)

Solong...farewell...auf wiedersehen...goodbye